ฆﻗﮯﺴﮯﻣﮯﻪﻭﻧﮯﺼﮯﻴﮯﺑﮯฆ


[center]

اخى الزائر / اختى الزائره

اهلا ومرحبا بكم فى منتدى قسمه ونصيب

لرؤية اقسام المنتدى يرجى منكم التسجيل اولا

اخى الزائر اسعدتنى بمرورك وستسعدنى اكثر بمشاركتك



[/center]


منتديات قسمه ونصيب هو منتدى مصرى لكل المصريين والعرب به كل اخبار الفن والسياسه وكل مايخص الحياه
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 يوميات زوج سعيد جداً(الجزء الاخير)

اذهب الى الأسفل 
كاتب الموضوعرسالة
االعفريت

avatar

عدد المساهمات : 221
تاريخ التسجيل : 19/02/2012
الموقع : شات قسمه ونصيب

مُساهمةموضوع: يوميات زوج سعيد جداً(الجزء الاخير)   الإثنين فبراير 20, 2012 1:09 pm

الجزء الثالث والعشرون والأخير


مضى يومان منذ انفصلت عن شهرزاد
لبثت في منزلي بعد أن طلبت اجازة عارضه, أحس أنني أريد أن أختلي بنفسي قليلا
كان أول ما خطر ببالي أن عليّ أن ابذل جهدا مضاعفا لكي أجعل حياتي أسعد مع زوجتي, فلأجرب أن أبادر أنا بالحب والحنان والعواطف الجياشة
سأتحمّل حتى ولو لم تتجاوب في البداية, نعم سأكون صبورا وذا نفس طويل
*******
صباح اليوم الثالث إستيقظت من نومي وأعددتُ الإفطار بنفسي ثم أيقظتها قائلاً: صباح الخير ياحبيبتي
فتحت عينيها وبدا أنها مستغربة قليلا.. يبدو أنني لم أوقظها قائلا ياحبيبتي منذ سنوات.. وقالت: صباح النور يا حبيبي
قلت: يلاّ أنا محضر الفطار.. خلّينا نفطر مع بعض وحعمل الشاي حالاً
جلسنا نفطر ووجهها يفيض سعادة وقالت: إحنا مافطرناش لوحدنا من سنين.. دايما بتنزل ومعاك سندوتش في ايدك وماعندكش وقت
قلت: آه الشغل واخذ الواحد فعلا من كل حاجة, تعرفي أنا حاسس إننا لازم نعمل شوية تغيير.. أنا فكرت في فكرة غير تقليدية
فكرة إيه؟ -
نسافر يومين لوحدنا -
قالت: إيه!!! معقول؟ والولاد حنسيبهم فين؟
قلت بسرعة: عند ماما.. كلهم ثلاث ايام منهم يومين اجازة مدارس
قالت: وحنقول ليهم إيه وحتقول لمامتك إيه؟ دي حاجه تكسف
قلت: ايه اللي يكسف بس؟ ليه ما يكونش لينا أوقات خاصة بينا نجدد فيها مشاعرنا ونخرج بره رتم الحياة اليومية والتعوّد اللي بينسّينا نعبّر عن مشاعرنا
نظرت اليّ مبهوته ثم قالت بنبرة غريبة: هو في إيه بالضبط؟ إنت مالك اليومين دول قاعد في البيت وساحب ناعم على الآخر.. إنت شكلك كده عامل عمْلَه
خرجتُ من الجو البديع الذي كنت أعيشه و أحسست أن أحدهم ألقى بجردل من الماء المثلج على قفاي الملتهب بلوعة المشاعر الساخنة وقلت: حكون عامل إيه يعني؟
ردّت: مش عارفة.. أصل الرجالة لما تعمل عمله تغطّي عليها بالحنجله دي مع ستاتها
حنجله!!!! إيه حنجله دي؟ -
ماانت احوالك مطّمنش -
ماأعجبكن يا ذوات نون النسوة
تملأن الدنيا شكوى وتحسراً على غياب الكلام الجميل من الأزواج و ترفعن شعار: عمره ما قالّي كلمه حلوة وعلى طول مكشّر وبيشخط وينطر.. وتؤكدن لكل صديقاتكن أنه لو سمعت إحداكن كلمة واحدة حلوة لأصبحتن ملائكة في بيوتكن, فاذا أتخذ الزوج هذه الخطوة المرتجاة تحوّل في نظركن الى متحنجل عامل عمله
كدتُ أرد مهاجما ولكني أمسكت وقررت أن أتحلى بالصبر فقلت بصوت حنون: أيوه عامل عمله
شهقت وصاحت: عمله إيه؟ قول بسرعة
قلت: مابصّتش في عنيكي الحلوة من زمان.. وأنا أقول مالي تعبان ليه أتاريني نسيت منبع راحتي
لانت تماما وقالت: ياسلام ده إيه دا كله!!! إنت بتتعاطى حاجة؟
أتعاطى حاجة!!؟؟ لا بأس لا بأس يا أخي.. زوجتك تداعبك قليلا
قلت: أيوه باتعاطى جرعات من جمالك وحنانك
ضحكتْ سعيدة وأحسست أن خطتي في سبيلها للنجاح
*******
في اليوم التالي كانت زوجتي تخطط للرحلة فأنزلتْ شنطة الملابس وبدأت تخرج ملابسها لترتيبها في الشنطة يتصدرها ذلك الثوب المحبب ذو الأحد عشر ربيعا !!! فهجمت عليها برقة قائلاً: لأ لأ ربنا يكرمك أنا حاخدك النهارده نشتريلك كام حاجة دلع كده
وليه المصاريف دي؟ ما أنا عندي -
لا لا عايزين نشتري حاجات جديدة -
إنت عامله شهر عسل ولا إيه؟ -
قلت: أيوه شهر عسل.. هوّ حرام؟, معقول يكون في حياتنا كلها شهر عسل واحد؟ ليه ما نعملش 3 أيام عسل كل سنة, بعدين دا إحنا لسه في عز شبابنا
ضحكت وقالت: ياريت.. دا أنا بشوف صورنا في شهر العسل وأقول نِفسي في يومين من دول تاني
قلت: وحيكونوا أحلى و أحلى.. ما تنسيش إني خبرة 10 سنين وهدّاف واجواني ملعوبة مش بلنتيات
علت ضحكتها وقالت: هههههههههه طيب يا سي الهداف
*******
في اليوم التالي كنا في طريقنا الى الفندق الجميل في المدينة الساحلية الجميلة
إخترتُ فندقا متوسط الأسعار وليس بمثل أسعار القرية السياحية التي نزلتها مع شهرزاد
لماذا؟.. نعم أعزائي إجابتكم صحيحة
فعلا هؤلاء هم الرجال
*******
- تمـت بحمد الله -
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يوميات زوج سعيد جداً(الجزء الاخير)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ฆﻗﮯﺴﮯﻣﮯﻪﻭﻧﮯﺼﮯﻴﮯﺑﮯฆ  :: .•:*¨`*:•.]مكتبة قسمه ونصيب][.•:*¨`*:•. :: قسم الواد سيد العاطفى-
انتقل الى: